RSS

Category Archives: ரசனை

காதல் ஆசை யாரை விட்டதோ…

அஞ்சான் பாடல்கள் விடாது தொலைக்காட்சி வழியாக துரத்திக் கொண்டிருந்தாலும் ஒரு நாளும் நின்று நிதானித்து ரசித்ததில்லை.ஆனால், நேற்று காலை தொலைக்காட்சியில் யதேச்சையாக ஒலித்துகொண்டிருந்த‌போதுதான் – இத்தனைக்கு அலுவலகம் கிளம்பிக் கொண்டிருந்த பரபரப்பில்- சட்டென பிடித்துப்போனது.கடந்த சில நாட்களாக ஷமிதாப் பாடல்களை கேட்டுகொண்டிருந்தவன் இன்று ஏனோ அதை கேட்கப் பிடிக்காமல் இந்த பாடலையே repeat audience’ஆக கேட்டுக்கொண்டிருக்கிறேன். யுவனின் தமிழ் உச்சரிப்பு அத்தனை சிலாக்கியமாக இல்லாவிட்டாலும் அவர் காதல் பாடல்களில் ஒரு தனி வசீகரம்,மயக்கம் இருக்கத்தான் செய்கிறது.இந்தப் பாடலுக்கு Qawwali style கூடுதல் அழகை தருகிறது.இஸ்லாத்துக்கு மாறியதற்கு Tribute’ஆக Yuvan இதை Compose செய்தாரா அல்லது தற்செயலாக இது நிகழ்ந்ததா ?

 
Leave a comment

Posted by on January 23, 2015 in Anjaan, ரசனை

 

Tags: ,

பிஸ்கட் கனவுகள்!!!

பள்ளியில் படிக்கும் அரை டவுசர் காலங்களில், ஒவ்வொரு மாதமும், முதல் வாரத்தை மிக ஆவலோடு எதிர்பார்த்துக் கொண்டிருப்பேன் எங்கள் வீட்டு ஓனர் வருகைக்காக! என் அப்பாவிடம் வாடகைப் பணம் வாங்க வருவார்.ஆனால், எனக்கு, என்ன வாடகை, ஒவ்வொரு மாதமும் என் அப்பா சரியாக வாடகை கொடுத்துவிடுவாரா என்பதை பற்றியெல்லாம் ஒரு மண்ணும் தெரியாது,தெரிந்துகொள்ள விருப்பமுமில்லை.என் கவனம் எல்லாம் வீட்டுக்காரர் ஒவ்வொரு மாதமும் எனக்காக கொண்டுவரும் Milk Bikis.

இதை வெறும் சம்பிராதய சடங்காக இருந்தால் ஒரிரு மாதங்களில் அவர் நிறுத்தியிருக்கலாம்.ஆனால் எனக்குத் தெரிந்து எல்லா மாதத்திலும் தவறாமல் வாங்கி வந்திருக்கிறார்.இன்று நினைத்தால் நெகிழ்வாக இருக்கிறது, ஒரு வீட்டுக்காரர், ஒரு பொடியனை மதித்து மாதா மாதம் பிஸ்கட் வாங்கி வர வேண்டும் என்ன கட்டாயம் ?

80’களில், Milk Bikis, சிறுவர்களுக்கு ஒரளவுக்கு எளிதாக‌ கிடைக்ககூடிய பண்டம்.பெரும்பாலான விருந்தினர்கள் குழந்தைகளுக்கு அது அல்லது Marie வாங்கி கொண்டு வருவார். மாரி பிஸ்கட்டை கண்ணில்கூட காணக்கூடாதென நினைப்பேன்.அதன் மேல் அப்படி ஒரு வெறுப்பு. Milk Bikis பரவாயில்லை ரகம்.Good Day Or Cream Biscuits – Luxury.

வெகு அரிதாகத்தான் யாராவது ஒரு நண்பர் True Elaichi Cream/Good Day வாங்கி வருவார்.அன்றைய தினத்தில் பம்பர் குலுக்கலில் Prize அடித்தவன்கூட அப்படி ஒரு தெனாவட்டில்,உச்சகட்ட சந்தோஷத்தில் இருந்திருக்க மாட்டான்.

என்ன எழவுக்கு இந்த சுயபுராணம் என்றால், இன்று சூப்பர் மார்கெட்டில் எத்தனை வகை பிஸ்கட்டுகள்,குக்கீகள், நொறுக்குதீனிகள். ஒவ்வொரு முறை பில் போடும் போது எனக்கு முன்னால் இருக்கும் நபர்களின் கூடைகளைப் பார்பேன். அரிசி,உப்பு,புளி வகையாராக்களை விட நொறுக்குதீனிகளே அதிகமிருக்கும்.எல்லாம் டஜன் டஜனாய் வாங்கி போவார்கள்.இதுக சாப்பாடே இது தான் போலும் என்று பல நேரம் வியந்திருக்கிறேன்.

Perk/5 Star
Oreo/Cookies/
Fanta/Mirinda/Coke
Lays/Bingo
Kinder Joy/

எனக்குத் தெரிந்து எந்தவொரு மத்தியதர சிறுவனும் இன்று நொறுக்குதீனிக்காக பெரிதாக அலட்டிக் கொண்டதில்லை.வருடத்தின் எல்லா நாட்களும் வீட்டின் அடுக்களையில், குளிர் சாதன் பெட்டியில் ஒரு சிறிய பெட்டிகடையே இருக்கும்.படிக்கும் போதும்,டிவி பார்க்கும் போது பசிக்கிறதோ இல்லையோ,பிடிக்கிறதோ இல்லையோ தின்னு தீர்க்க வேண்டும் என்பது நீதி.தின்று தீர்க்கிறார்கள்.

மேலும், வாரம் ஒரு புதிய பிஸ்கட் சந்தைக்கு வருகிறது ஆனால் சுவையில் ஒரு புண்ணாக்கும் இல்லை.வெறும் Wrapper’களை கவர்ச்சியாக போட்டு,உள்ளே பிஸ்கட்டுகளை இன்னும் ஒர் சிறிய தாள்களில் போட்டு ஒரு Status சரக்காக விற்கிறார்கள்.அதை சந்தைபடுத்த Katrina Kaif ஒரு வாயில் Cream ஒழுக‌ உதட்டை நக்குகிறார்.பிஸ்கட் விளம்பரமா காண்டம் விளம்பரமா என்று சந்தேகமாய் இருக்கிறது.பிஸ்கட் எப்படி திங்கறதுன்னு கூட இந்த விளம்பரகார பயகதான் சொல்லிக் கேட்கணும் போல.

திடிரென்று பிரபஞ்ச வெடிப்பு போல் ஒரு Big Explosion!!! எல்லாமே அளவுக்கதிமாய் போய்விட்டது.திகட்ட திகட்ட நொறுக்குதீனிகள்,திகட்ட திகட்ட தொலைக்காட்சி சானல்கள்,வருஷம் 365 நாளும் கிரிக்கெட் விளையாடுறான்,ஊர்ல உள்ள எல்லா தியேட்டர்லயும் ஒரே படம், பிடிக்குதோ இல்லையோ அதத்தான் நாமும் பாத்து தொலயுணும், தெருவுக்கு பத்து ஹோட்டல்,மூணு மாசத்தக்கு ஒரு புது மொபைல் மாடல்,ஒரு ஐபோன் மாடல் எல்லாமே abundant. இதுவா வாழ்க்கை ? சத்தியமா எனக்கு தெரியல!!

அந்த 5 ரூபாய் க்கு Milk Bikis ஒவ்வொரு மாதம் காத்திருக்கும் நாட்களில் இருந்த ஏக்கம்,சந்தோஷம் இன்று இல்லை.எனக்கென்னமோ இதுதான் இரண்டாம் உலகம் போல் தெரிகிறது.

 

Tags:

அவசரகுடுக்கைகள்.

நீதானே என் பொன் வசந்தம் படத்தின் ஒரு பாடல் வந்து சில மணி நேரங்கள் கூட ஆனபாடில்லை,அதற்குள் சமூக வலைதளங்களில் அதீத பாராட்டுக்கள் அல்லது அதீத தூற்றல்கள்.இதுதான் இன்று நம்மின் பிரச்சனையே.அதீத அவசரம்.படம் பார்க்கும்போதே ட்விட்டுவது,இடைவேளையின் போதே ப்ளாக்கில் விமர்சனம் என்ற பேரில் கண்டதை கிறுக்கித் தொலைவது,Promoவிற்காக பாடலின் சில வரிகள் வந்தால் கூட அதைப் பற்றி நாள் முழுக்க வாதிடுவது என்று ஒன்றிற்கு உதவாத வேலைகளை செய்து கொண்டிருக்கிறோம்.

எந்தவொரு படத்தையோ பாடலையோ பற்றி விமர்சிப்பது,எதிர்மறை கருத்துக்களை தெரிவிப்பது பிரச்சனையில்லை ஆனால் எந்தளவிற்கு இவர்கள் படத்தை உள்வாங்கிக் கொண்டு இதைச் செய்கிறார்கள் என்பது தான் பிரச்சனையே.ஏதோ போட்டியில் கலந்து கொண்ட‌ ஆவேசத்துடன் பெரும்பாலனோர் அவசர அவசரமாக படங்களை விமர்சிக்கிறார்கள்.இதே போல,இரண்டு மூன்று தடவை ஒரு பாடலைக் கேட்டுவிட்டு சுப்புடு ரேஞ்ஜிற்கு அந்தப் பாடலை கூறு போடுகிறார்கள்.எதற்கு இத்தனை அவசரம் ? இவர்களின் அரை குறை விமர்சனங்களை யார் கேட்டார்கள் ?

இப்படித்தான் வழக்கு எண் வந்த பொழுதில் அந்தப் படத்தைப் பற்றி வானளாவிய பாராட்டுதலினாலும் காதல் ஏற்படுத்திய தாக்கத்தினாலும் சனியன் போய்த் தொலைகிறது என்று PVRஇல் 300 ரூபாய் தண்டம் அழுதேன்.ஆனால் ஏமாற்றமே மிஞ்சியது. அதிலும் சிலர் இந்தப் படத்தை இரானிய படம் என்று ஏன் சிலாகித்தார்கள் என்று பெரும் குழப்பமாகவே இருக்கிறது.உலகப் படம்,தமிழ் சினிமாவில் ஒரு குறிஞ்சி மலர்,இரானியப் படம் போன்ற வாசகங்களை அரசு தடை செய்ய வேண்டும்.

 ***

தோனியில் “விளையாட்டா படகோட்டி விளையாடும் பருவம் போய்….”ஏன் அதிகம் கண்டு கொள்ளாமலே போனது என்று வருத்தமாகயிருந்தது. படம் பார்க்கும் வரை இந்தப் பாடலின் தாக்கம் அதிகமில்லை.ஆனால் இப்போது மீண்டும் கேட்கும் போது Prelude/Interlude’இல் வரும் மனதை உருக்கும் வயலின்கள்,பாடலில் காட்டிய நடுத்தர வர்க்கத்தின் பணச்சிக்கல்,பிரகாஷ்ராஜின் முக பாவனைக்கள்,ஷ்ரேயா கோசலின் எளிமையான குரல் – மிகவும் பிடித்துப்போனது.நந்தலாலாவிற்குப் பிறகு ராஜாவின் இசையில் ஒரு நல்ல மெலடி.வழக்கம் போல படம் பணால் ஆகியதால் ராஜாவின் சமீபத்தில் வந்த சில நல்ல பாடல்களில் இதுவும் சேர்ந்து அடக்கமாகிவிட்டது.

ஆனால் இந்த கதி மற்ற இசையமைப்பாளர்களுக்கு நேராது.காரணம்,மரண கொடுமையான பாடலாக இருந்தாலும்கூட காலை முதல் இரவு வரை தொலைக்காட்சி,எஃப் எம்’இல் போட்டு நம் தாலி அறுப்பார்கள்.பிடிக்கிறதோ இல்லையோ நாம் கேட்டுத்தான் தொலய வேண்டும்.ஒரு கட்டத்தில் நம்மை அறியாமல் நாமே அந்தப் பாடலை முணு முணுக்கத் தொடங்கிவிடுவொம்.இப்படித்தான் இன்று 90% பாடல்கள் ஹிட் ஆகின்றன.

எவன்டி உன்ன பெத்தான் பெத்தான்,கிளிமஞ்சாரோ,என்னமோ ஏதோ,முன் அந்திச் சாரலில் போன்ற கொடுமைகள் இசை சானல்கள்,எஃப் எம் இல்லையெனில் சீந்துவார் எவரும் இருக்க மாட்டார்கள்.

.

 

பெங்களூரில் இன்று மழைக்காலம்.

ரொம்ப நாட்களாக எதிர்பார்த்து காத்திருந்தது – பருவ மழைதான் – இன்று பெய்தது.வருடா வருடம் ஜுனிலேயே தவறாமல் வருவது இந்த வருடம் ஜூலைவரை பெங்களூர் மக்களை காக்க வைத்து படாத பாடு படுத்திற்று.மழைக்கு வந்த வாழ்வு!!! இன்று இரவு ஏழு மணிக்கு ஆரம்பித்த மழை இப்போது வரை தூறிக் கொண்டேதான் இருக்கிறது.சன்னலை திறந்து வைத்து இதை தட்டச்சு செய்யும் போது அறை எங்கும் அலாதியான குளுமை!! அது என்ன மாயம் என்று புரியவில்லை,ம‌ழை நேரங்களில் பெண்கள் அநியாயத்திற்கு அழகாய்த் தெரிகிறார்கள்!

மனம் மிகுந்த பரவசத்திலிருந்தது.இந்த உற்சாகத்தை யாரிடமாவது கொட்டித் தீர்க்கும்விதமாக‌ கார்த்திக்கை கைபேசியில் அழைத்து ஐந்து நிமிடங்கள் அவர் கழுத்தை அறுத்தேன்.அதற்கு மேல் நீட்டித்தால் என் நம்பரை delete செய்து விடுவாரோ என எண்ணி முடித்துக்கொண்டேன்.

ஒரு நல்ல ஃபிலடர் காபியை பருகிக்கொண்டு மழையை ரசிக்கும் மனநிலையில் இருந்தேன்.ஆனால் இந்த பாழாய்ப் போன அலுவலக மெஷினில் Cappucino எழவைத் தவிர வேறில்லை என்பதால் அதை குடித்துக்கொண்டே மழையை சிறிது நேரம் பார்த்து கொண்டிருந்தேன்.வீட்டிலிருந்தால் ஒரு நல்ல நாவலை கையில் எடுத்து சன்னல் பக்கம் அமர்ந்திருக்கலாம்.மழையை பார்த்து கொண்டு படிப்பது சுகானுபவம்!!! ம‌ழை என்றதும் வைரமுத்துவின் கவிதைதான் நினைவிற்கு வருகிறது.
சின்ன சின்ன மழைத்துளிகள் சேர்த்து வைப்பேனோ….

Charanam : 1

சிறு பூவினிலே விழுந்தால்
ஒரு தேன்துளியாய் வருவாய்
சிறு சிப்பியிலே விழுந்தால்
ஒரு முத்தெனவே மலர்வாய்
பயிர் வேரினிலே விழுந்தால்
நவதானியமாய் விளைவாய்
என் கண்விழிக்குள் விழுந்ததனால்
கவிதையாக மலர்ந்தாய்

அந்த இயற்கை அன்னை படைத்த
ஒரு பெரிய Shower இது
அட இந்த வயது கழிந்தால்
பிறகெங்கு நனைவது
இவள் கன்னி என்பதை இந்த மழை
கண்டறிந்து சொல்லியது

Charanam :2

மழை கவிதை கொண்டு வருது
யாரும் கதவடைக்க வேண்டாம்
ஒரு கறுப்புக் கொடி காட்டி
யாரும் குடை பிடிக்க வேண்டாம்
இது தேவதையின் பரிசு
யாரும் திரும்பிக் கொள்ள வேண்டாம்
நெடுஞ்சாலையிலே நனைய
ஒருவர் சம்மதமும் வேண்டாம்

அந்த மேகம் சுரந்த பாலில்
ஏன் நனைய மறுக்கிறாய்
நீ வாழ வந்த வாழ்வில்
ஒரு பகுதி இழக்கிறாய்
நீ கண்கள் மூடிக் கரையும் போது
மண்ணில் சொர்க்கம் ஏதுவாய்!!

 

Tags:

இரு விளம்பரங்கள்.

சமீபத்தில் நான் ரசித்த இரண்டு விளம்பரங்களைப் பற்றி சில வார்த்தைகள்:

கோக்’கின் புதிய விளம்பரயுத்தி அசர வைத்தது.இதில் வருத்தம் கலந்த‌ வெட்கக்கேடு கோக் போன்ற பன்னாட்டு நிறுவனங்கள் நமக்கு சுற்றுச் சூழல் பாடம் நடத்துவது.

Consumerism’இன் விளைவு ஒரு சாதாரண குளிர்பானத்திற்கு இத்தனை ஆர்பாட்டம்,Out of Box thinking விளம்பரம். இந்த விளம்பரத்தின் இன்னொரு மிக முக்கிய அம்சம் அருமையான ஒளிப்பதிவு.குறிப்பாக 47-50 நொடிகளில், அட்டகாசம்!!!

விட்டேத்தியாய் அணிந்திருக்கும் அவளின் T-Shirt,கண்ணாடி முன்-நின்று அவள் பேசும் விதம்,இவையெல்லாம்விட அவளின் கண்கள் சொல்லும் அர்த்தங்கள்…..எங்கிருந்து பிடிக்கிறார்கள் இது போன்ற கண்களை பெண்களை.கவித்துவம்!!!!!