RSS

Category Archives: Music.

சந்தோஷ் நாராயணன்.

அதிக இரைச்சில்லாத, வெறும் மெல்லிய‌ கிடாரின் அசைவுகள் கொண்ட,”ஆசை ஒர் புல்வெளி” பாடல், எனக்கு இத்தனை பிடித்தமான‌ பாடலாக அமையும் என நினைக்கவில்லை.கடந்த சில நாட்களாக இந்த பாடலைக் கேட்கவே இணையத்திற்கு வருகிறேன்.மற்ற எந்த இளம் இசையமைப்பாளரையும்விட‌  சந்தோஷ் நாராயணனின் இசை என் மனதிற்கு நெருக்கமாகப் படுகிறது.கேட்டதும் எளிதாக Relate செய்யக்கூடியதாக இருக்கிறது.வழக்கமான Synthesizer/Rap அலறல்கள் மத்தியில்  ஏதோ ஒரு புதிய இசையை, புதிய ஒலியை கேட்பது போல் உணர்கிறேன்.குறிப்பாக, பின்னணி இசையில், யுவ‌னிற்குப் பிறகு, என்னை பெரிதும் ஈர்த்தது சந்தோஷ் நாராயணன்தான்.அட்டகத்தி,சூது கவ்வும்  படங்களைவிட இவரின் பின்னணி இசை மிகவும் பிடித்திருந்தது.

நாயகனும் நாயகியும் Bar’ருக்குச் செல்கிறார்கள்.அங்கு திடிரென நாயகனுக்கும் இன்னொருத்தனுக்கும் கைகலப்பு ஏற்பட நாயகன் அவனை பாட்டிலால் அடித்தவிட மொத்த பாருக்குள் சச்சரவு,அடிதடி. படு லோக்கலான இப்படி ஒரு காட்சியில் அந்த‌ சூழலுக்கு துளியும் சம்பந்தமில்லாமல், Trumpet ஒலிக்க சுத்தமான Jazz பின்னணி(யில்) இசை இருந்ததை மிகவும் ரசித்தேன்.படத்தின் அட்டகாசமான‌ டைட்டில் இசை;பின்னணி இசையாக வரும் பாடல்கள் ஒவ்வொன்றும் வெவ்வேறு Genre’இல், வழக்கமான பல்லவி இரண்டு சரண Formatக்குள் அடங்காதது என பல ஆச்சர்யங்கள்.;இவர் பின்னணி இசையில்  கிடாரை பயன்படுத்தும்விதம் என்னமோ பழைய கெளபாய் படங்களில் வரும் எனியோ மோரிகோனின் Flamenco Guitar Style’ஐ நினைவுபடுத்தியது.

Advertisements
 
2 Comments

Posted by on November 16, 2013 in Background Score, Cinema, Music.

 
Aside

தமிழ் சினிமா இசைக்கும் தற்போது கடுமையான Recession போல.கேட்கிற பல பாடல்கள் கடைந்தெடுத்த மகா குப்பை.கடந்த சில‌ வருடங்களில், மொத்தமாக கூட்டி கழித்து பார்த்தாலே, ஒரு நாலைந்து தான் தேறும் போல‌.மீதி இருக்கும் ஏனைய குப்பைகள், மியுசிக் சானல்கள்,பண்பலை வாயிலாக – குழந்தைக்கு வலுக்கட்டாயமாக மருந்து புகட்டுவது போல், திரும்ப திரும்ப நம் காதுகளில் செலுத்தப்பட்டு  விடாப்படியாக Hit ஆக்கப்படுகிறது.

இதைவிட கவலை தரும் விஷயம் பாடல் வரிகளில் உள்ள தரம்- Lack of Lyrical Clarity/Quality.பாடல்களின் தரம் தாழ்ந்து போனதற்கு முக்கிய காரணம்- தடி எடுத்தவன் எல்லா தண்டல்காரன் என்பது போல், நடிகர்கள்,இயக்குனர்கள் என்று பலரும் சகட்டுமேனிக்கு பாட்டு எழுதுவது.இதனால், பாடல் வரிகள் ட்யுனோடு சேர்ந்து பயணிக்காமல் தனியாய்த் துருத்திக்கொண்டு தெரிகிறது.இன்னும் குறிப்பாகச் சொன்னால், வார்த்தைகள் ட்யுனிற்கு அடங்க மறுக்கின்றன.ஹிந்தி பாடல்களை தமிழில் டப் செய்து கேட்டால் எப்படி இருக்குமோ அப்படி இருக்கிறது.இதற்கு நல்ல உதாரணம் :

அடிடா அவல.. ஒதடா அவல..
விட்ரா அவல.. தேவையே இல்ல..
எதுவும் புரில.. உலகம் தெரில..
சரியா வரல.. ஒன்னுமே இல்ல.

நண்பன் அழுவுற கஷ்டமா இருக்கு
கொஞ்சம் கூட அவ ஒத்தே இல்ல..

மேற்கண்ட இடங்களில் பாடல் வரிகள் ட்யுனோடு அடங்க சிரமப்பட்டு வலுக்கட்டாயமாகத் திணிக்கப்படுகின்றன.

விளைவு : பாடல் வசன-நடையாக விடுகிறது

இன்னொரு பிரச்ச‌னை அர்த்தமில்லா Dummy வரிகள்.இயக்குனர்களும் இதை பெரிதாக அலட்டிக் கொண்டதாகத் தெரியவில்லை. பாடல் வரிகள் வெறும் ட்யுனை நெறப்பும்  Fillerக‌ள் என நினைத்துக் கொண்டார்களா ? மனம் போன போக்கில் வார்த்தைகளை போட்டு நெறப்புகிறார்கள்.ஆரம்ப வரிகள் Catchyயாக இருக்க வேண்டும்,பாடலினுள் எந்த புண்ணாக்கும் இருந்துவிட்டு போகட்டும்.

எவன்டி உன்னப் பெத்தான் பாட்டின் சரணத்தில் வரும் வரிகள் போதும், இன்றைய‌ தமிழ் சினிமா இசையின் மகத்துவத்தை புரிந்து கொள்ள…

Un Paste Brush’um Naanthan
Un Šhøwer Gel’um Naanthan
Un Maanam Kaakura Maelaada Naanthan
Un Lip Gløss’um Naanthan
Un Èye Liner Naanthan
Un Azhaga Køøtura Makeup’ae Naanthan
Un Teddybear Naanthan
Un Bed & Pilløw Naanthan
Un Veetøda Night Watchman Naanthan
Un Nagamum Šathaiyum Naanthan

அது என்ன, உன் Un Paste Brush’um நாந்தான் / Un Šhøwer Gel’um நாந்தான்? இந்த வரிகளுக்கு என்ன அர்த்தம்?

யார் கேட்டார்கள் இவர்கள் பாட்டு எழுதித் தொலைக்க  வேண்டுமென்று ?

*******

நம் இயக்குனர்களுக்கு, பாடல்களின் முக்கியத்துவம்/தேவை பற்றி ஒரு தெளிவில்லையா ? அல்லது மெனக்கெட விருப்பமில்லையா ? இவர்கள் அனைவரும் பாலசந்தர் படங்களைத் திரும்ப ஒரு முறை பார்க்க வேண்டும்.தமிழ் சினிமாவில், பாலசந்தரைப் போல வேறு எவரும் பாடல்களை உருப்படியாக கையாண்டதில்லை. சிந்து பைரவியில் – பாடறியேன் என்ற பாட்டைத் நீக்கி விட்டால் போதும், அந்த படமே அர்த்தமிழந்துவிடும். ஆனால் இன்று படத்தின் சில காட்சிகளை நீக்கினாலே எந்த பாதிப்பும் இல்லை என்ற ரீதியில் படங்கள் வருகிறது.

காட்சிகளில்/வசனங்களில் வெளிப்படுத்த முடியாத பல உணர்வுகளை பாடல்களால்/பின்னணி இசையால் மட்டுமே வெளிப்படுத்த முடியும்.

இதற்கு  நல்ல உதாரணங்கள் சொல்ல வேண்டுமென்றால் :

  • பூமாலை வாங்கி வந்தான் பூக்கள் இல்லையே…
  • நானொரு சிந்து காவடிச் சிந்து…
  • கேளடி கண்மணி பாடகன் சங்கதி…
  • சாதி மல்லி பூச்சரமே சங்கத்தமிழ்…
  • நீ ஆண்டவனா தாய் தந்தைதான்…
  • பூங்காத்து திரும்புமா எம்பாட்ட விரும்புமா…

இந்த பாடல்களில் சொல்லியதை வசனத்தால்,காட்சியமைப்புகளால் சொல்ல முடியுமா ?

பாடல்கள் கதையை நகர்த்த,அடுத்த கட்டத்திற்கு கொண்டு செல்ல‌ இயக்குனருக்கு பெரிதும் உதவுகின்றன.இதை ஏன் இன்றைய இயக்குனர்கள் புரிந்து கொள்ளவில்லை ? பாடல்களை வெறும் Crowd-Pulling பண்டமாக பார்க்கின்றனர் ?

*******

கடந்த பத்து ஆண்டுகளில் எனக்குப் பிடித்த ஒரே பாடல் என்றால் அது:

வானம் பேசும் பேச்சு துளியாய் வெளியாகும்
வானவில்லின் பேச்சு நிறமாய் வெளியாகும்
உண்மை ஊமையானால் கண்ணீர் மொழியாகும்
பெண்மை ஊமையானால் நாணம் மொழியாகும்
ஓசைதூங்கும் சாமத்தில் உச்சி மீன்கள் மொழியாகும்
ஆசைதூங்கும் இதயத்தில் அசைவுகூட மொழியாகும்

என்ன வரிகள்!!! வைரமுத்து நீர் 100 ஆண்டு வாழவேண்டும் அய்யா..

தேவை அவசர சிகிச்சை – தமிழ் சினிமா இசை.

 
Leave a comment

Posted by on February 5, 2013 in Cinema, K Balachandar, Music.

 

சில நேரத்தில் சில கிறுக்குகள்…

அவ்வப்போது எனக்கு எதுமேலாவது பயங்கர கிறுக்கு பிடிக்கும். எதன் மீது எப்போது பிடிக்கும் என்று சொல்ல முடியாது,ஆனால் கண்டிப்பாக‌ கிறுக்குப் பிடிக்கும்.விளைவு:அதன் பாதிப்பு நீங்க சில நாட்கள்/மாதங்கள் ஆகும்.முதல் கிறுக்கு: இரண்டாவது வகுப்பு படிக்கும் போது ஜீன்ஸின் மேல் உண்டாயிற்று.எப்படியும் ஒரு ஜீன்ஸாவது வாங்கி போட்டு அலைய வேண்டும் என்று வெறியோடு இருந்தேன்.ஆனால் எண்பதுகளில் ஜீன்ஸ் என்றால் வீட்டில் ஓட விட்டு உதைப்பார்கள்.மிதவாதி பெற்றோர்கள் ஜீன்ஸ் வாங்கித் தர முடியாததை ” நீமட்டும் காப்பரிட்சைல First Rank வாங்கு, கண்டிப்பா உனக்கு Jeans வாங்கித்தரேன் ” என்று கவிஞர்கள் போல் இலைமறை காயாக வெளிப்படுத்துவார்கள்.இந்த பதிலுக்குப் பிறகு எந்த மானமுள்ள சிறுவனும் ஜீன்ஸ் கேட்க மாட்டான்.நல்லவேளையாக,எனக்கு அப்படி எதுவும் நேரவில்லை,ஒரு சில கெஞ்சல்களுக்குப்பின் (கோடு போட்ட ப்ரவுன்) ஜீன்ஸ் கிடைத்தது.ஜீன்ஸ் கிடைத்த சந்தோஷத்தை வார்த்தைகளால் விவ‌ரிக்க முடியாது.(அதற்கு ஒரு தனி பதிவு போட வேண்டும்) எப்போதும் ஜீன்ஸின் நினைப்பே மன‌தில் ஓடிக்கொண்டிருந்தது.ஸ்கூலுக்கு போகும் நேரம் தவிர எல்லா நேரத்தலும் அந்த ஜீன்ஸோடு திரிந்ததால்,சில மாதங்களிலேயே அது நாய் வாயில் அகப்பட்ட ரப்பர் பந்து போல் ஆனது.ஒரு கட்டத்தில் ஜீன்ஸ்,ஜட்டி ஆகுற நிலைமைக்கு போய்விட‌ வேறு வழியில்லாமல் என் Jeans Obsession முடிந்தது.அதன்பின் டி.ராஜேந்தர்(மைதிலி என்னை காதலி பார்த்த விளைவு),Yamaha RX 100,(இன்று வரை கியர் வண்டி ஓட்ட தெரியாது அது வேறு விஷயம்),பூர்ணிமா ஜெயராமன் (கிளிஞ்சல்கள் பாதிப்பு),அஞ்சலி படம்,ஷாலினி(காதலுக்கு மரியாதை) என்று பல கிறுக்குகள் அவ்வப்போது வந்து போய் கொண்டிருந்தது.

இப்போது கடந்த சில மாதங்களாக பழைய ஹிந்தி பாடல்கள் மீது கிறுக்குத் திரும்பியிருக்கிறது. ஹிந்தி பாடல்கள் எனக்கு அறிமுகமானது என்னுடைய மூன்றாவது வகுப்பில்.Tezaab மற்றும் Qayamat Se Qayamat Tak படத்தின் பாடல்கள் வெகுவாக என்னை பாதித்த சமயம்,என் அப்பாவோடு ஆபிஸ் டூர் சென்றிருந்தேன்.(நாகூர்,வேளாங்கன்னி, நாகப்பட்டினம்) டூரில் நான் என் அப்பாவிடம் கேட்டது ஒன்றே ஒன்றுதான், ” Tezaab மற்றும் Qayamat Se Qayamat Tak படத்தின் காஸெட் மட்டும் வாங்கித்தாங்க‌ப்பா வேற எதுவும் வேணாம்”. என் வயித்துல பால வாத்தடான்னு சொல்லாத குறையாக என் அப்பாவிற்கு சந்தோஷம்,வெறும் பத்து ரூபாயோட போச்சுல்ல‌ தலவலி என்று சம்மதித்துவிட்டார். ஆனால் காஸெட் சுலபமாக கிடைக்கவில்லை, நாகப்பட்டினத்தை சுற்றி பார்க்க வந்த நாங்கள்,அங்கு உள்ள எல்லா காஸெட் கடைகளை சுற்றி பார்க்கத் தொடங்கினோம்.யார் செய்த புண்ணியமோ, கடைசியாக‌ ஒரு கடையில் கிடைத்தது.அதற்குப் பிறகு நான் அவ்வளவு வெறி கொண்டு ஹிந்தி பாடல்களை கேட்டதில்லை.ரஹ்மான் போட்ட ஒரு சில ஹிந்தி படங்கள்,Saajan,Hum Aapke Hain Kounனோடு முடிந்தது என் ஹிந்தி இசைப் பயணம்.

ஆனால்,கடந்த சில மாதங்களுக்குப் முன் யதேச்சையாக ஒரு ஹிந்திப்பட பாடலைக் கேட்டு மிரண்டு போனேன்.அது ஒரு கஜல் வடிவப் பாடல்.அந்த பாடலின் சோகம்,மெல்லிய புல்லாங்குழல் இசை,மிக முக்கியமாக பாடகி Chhaya Ganguli பாடிய விதம்,மனதை என்னவோ செய்தது.சமீபத்தில் என்னை மிகவும் பாதித்த பாடல்.அதுவும் இரவு நேரங்களில்,என் அறையில் எல்லோரும் தூங்கிய பிறகு அந்த பாடலை கேக்கும் போது,சோகத்தின் முழு வலியையும் உணர முடிந்தது. அந்த வாரம் முழுக்க அந்த பாடல் மனதில் ஒலித்துகொண்டேருந்தது.

Movie : Gaman.

Music : Jaidev.

Singer : Chhaya Ganguli .

இந்தப் பாடலுக்கு இசையமைத்தவர் ஜெய்தேவ்.இளையராஜா,ரஹ்மானைப் போல இவரும் மூன்று முறை சிறந்த இசைக்கான தேசிய விருது வாங்கியிருக்கிறார்.இளையராஜா சொல்வது போல் எவ்வளவு அருமையான Composers இந்தியாவில் இருந்திருக்கிறார்கள்!!இந்தப் பாடல் வந்து முப்பது வருடங்களுக்குப் பிறகு கேட்கிறேன் என்று நினைக்கும்போது வெட்கமும் வருத்தமுமாக இருந்தது.ப்படி, இவரை போன்ற இசையமைப்பாளர்களை பற்றி தெரியாமல் போயிற்று?இதே போல இன்னும் எவ்வளவு அழகான பாடல்களை இழந்திருக்கிறோம்? பொதுவாக நம் பலருக்கும் இசையின் ரசனை தமிழ் பாடல்களோடு முடிந்துவிடுகிறது(இன்னும் குறிப்பாக சொன்னால்,இளையராஜா ரசிகர்களுக்கு இசைஞானியோடும்,ரஹ்மான் ரசிகர்களுக்கு ர‌ஹ்மானோடும்) இன்னும் சிலர் தமிழை விட்டால் Eminem,Linkin Park,Black Eyed Peas என்று இறங்கி விடுகிறார்கள்.மிகச் சிலரே பழைய ஹிந்திப் பாடல்களை விரும்புகின்றனர்.

இந்த பாடல் பாதித்த விளைவு Youtube,Wikipedia,Orkut என்று எல்லாத்திலும் பழைய ஹிந்திப் பாடல்களை தேட ஆரம்பித்தேன்.(இன்னும் தேடிக் கொண்டிருக்கிறேன்) அப்படித் தேடிக் கிடைத்த சில நல்ல பாடல்க‌ள் :

Movie : Zindagi.

Music : Shankar – Jaikishan.

USP: Manna Dey மிக மிக‌ அருமையாக பாடிய பாடல்.(Watch out for some nice Sitar interludes in the song and Of course Vaijayanthimala too)

Movie : Kaagaz Ke Phool.

Music : S.D.Burman.

USP : Soulful rendition By Geeta Dutt,beautiful Prelude,ahead of its times Cinematography by V.K.Murthy(Some nice Crane/Long shots) The Chemistry between Guru Dutt and Waheeda is just fantastic,I prefer Kaagaz Ke Phool over Pyassa any day.

Movie : Chaudhvin Ka Chand.

Music : Bombay Ravi.

USP : a Mohd.Rafi Magic.

Movie : Chinatown.

Music :  Bombay Ravi.

USP :  Peppiness is simply brilliant in Rafi’s Voice.(Amazing Accordion and Bass Guitar Interludes.)

Lets celebrate Music across boundaries.

Chaudhvin Ka Chand

 
5 Comments

Posted by on May 27, 2010 in Bollywood, Cinema, Classic, Music.

 

Tags: , , , , , , , , , , , , , , , ,

Veg.Melody BGM- Cheenikum.

Just experience it, am getting emotional.No words can summarise this sheer Masterpiece.Typical Ilaiyaraaja’ish.

Note: Thanks a Zillion to the gentleman, who posted this in youtube.

 
4 Comments

Posted by on October 31, 2009 in Cinema, Ilayaraja, Music.

 

Tags: , , , , , , ,

a neat write-up on S.A.Rajkumar’s early period compositions.

நல்ல பதிவு,நம்மில் பலருக்குத் தெரியாத சில ஆச்சரியமான தகவல்கள் கூட.

Here’s the Link written by one of my good friend Kanapraba, in Twitter  : S.A.Rajkumar’s early period compositions.

 

 
1 Comment

Posted by on August 30, 2009 in Cinema, Music.

 

Tags: , ,